Salssjef Frode Sporsheim fortel at dei mellom anna har fått ein ny designar på laget: Runa Klock.
Ho kjem opphavleg frå Sjøholt, men er no busett i Oslo.
– Vi har lenge vore på jakt etter ein kvinneleg designar. Det har vi sikra oss no, og vi har fått ein svært spanande designar i Runa Klock, seier Sporsheim.
Fikk du med deg denne: Fleire droppar møbelmessa i Stockholm i år
Klock har teikna bordserien Root, som består av seks bord i ulike formar, storleikar og høgder. Felles for alle seks borda er at dei er i loungehøgde, og kan nyttast åleine eller i ein kombinasjon.
Les også: Runa Klock stiller ut i London
Salssjefen fortel at Klock har late seg inspirere av naturen.
Bordplata er laga av valchromat, som er organisk gjennomfarga og framstilt av restprodukt frå skogbruks- industrien.
Heder til Epleslang: Runa Klock fra Ørskog er tildelt Hedersprisen for god design
Camp
Ei anna nyheit på messa frå Fora Form er stolen Camp, designa av duoen Anderssen & Voll.
– Dei to er mellom dei mest internasjonale designarane vi har her i Norge. Det er også dei to som har designa sofa- systemet Senso, ein av dei største salssuksessane våre dei siste åra, seier Frode Sporsheim.
Fora Form har allereie loungestolen Planet, teikna av Sven Ivar Dysthe.
Ivar Sandnes ny Fora Form-direktør
Stolen Camp kjem med både kort og lang rygg.
Camp er komponert av få, men tydelege element: To mjuke puter, som står oppspent i eit omsluttande armlene.
Kvart
Eit nytt bordsystem blir også vist fram på Stockholmessa i år, med Lars Tornøe som designar.
Dette er bordsystemet Kvart, med ein spesiell understellskonstruksjon.
– Lars Tornøe har vi samarbeidd med i lang tid. Det er han som mellom anna har designa stolen Con og Copenhagen for oss, seier Sporsheim.
– Vi har jobba med å få på plass dette bordet i tre år. No har vi det klart, og vi reknar med å selje det i mange år framover. Det nye og enkle understellet gjer bordet svært fleksibelt, meiner salssjef Frode Sporsheim.