Frigir namn på den omkomne

Det var Jan Ove Standal (48) frå Stryn som omkom i sykkelulykka på riksveg 15 ved Kleivenes i Stryn onsdag føremiddag, skriv lokalavisa Fjordingen.
 
Nyheter

– Syklisten kom i retning vestover og kolliderte med søppelbilen som stod i køyrebana med fronten austover. Sannsynlegvis har søppelbilen stått i ro, seier politiførstebetjent Lisbeth Engesæter ved Eid lensmannskontor til avisa.

Ho seier politiet vil halde fram med tekniske undersøkingar. Det er i samråd med familien at politiet går offentleg ut med namnet, opplyser Engesæter til Fjordingen.

LES OGSÅ: Syklist omkom etter samanstøyt med søppelbil