Politiet i Møre og Romsdal melder fredag ettermiddag at det har gått eit ras ved Grøthornet i Ørsta kommune.
– Snøras på nordsida av fjellet. Skiløparar var i området, men ingen er tatt eller skadd, opplyser politiet i Møre og Romsdal på twitter.
Meldinga gjekk ut klokka 14.37 fredag ettermiddag.
Hovudredningssentralen for Sør-Norge åtvara samstundes om unormalt stor snøskredfare og oppfordrar til aktsemd til dei som ferdast i fjellet.
