Politiet fekk søndag ettermiddag melding om ei utforkøyring med ATV-køyretøy i Bondalen i Ørsta.
– Ei jente er henta med luftambulanse, men skal ikkje vere alvorleg skadd, opplyser operasjonsleiar Tor André Gram Franck til Sunnmørsposten.
Jenta (10) som var passasjer på ATV-en, blei send til Ålesund sjukehus, medan faren blei send med ambulanse til Volda sjukehus. Heller ikkje han skal vere alvorleg skadd, ifølgje politiet.
ATV-en skal ha køyrt utfor vegen. Ulukka skjedde på hovudvegen gjennom Bondalen.