Dei nynorske festspela:

Sel nynorsken sitt hus

– Endeleg fann vi eit eigna hus for nynorsk lansering.

Kulturhus: Om ikkje dette bustadhuset i Hovdebygda har vore eit kulturhus før, så er det akkurat dette det blir under den spesielle hendinga med hus og litteratur, børs og katedral laurdag 9. juni. Programansvarleg Olav Øyehaug Opsvik i Festspela og Hanne Sylte i Eigedomsmekler1 står for «Gratis og uforpliktande verdivurdering» her. 

Nyheter

Dette seier programansvarleg Olav Øyehaug Opsvik i Dei nynorske festspela, som opnar komande torsdag. I år får altså Festspela eit heilt nytt og uprøvd konsept på plakaten. Aldri før har eit bustadhus vore kvalitetsklarert på nynorsk før eit sal på den opne marknaden. Aldri før har ein eigedomsmeklar fått draghjelp av to forfattarar frå øvste hylla i nynorskbiblioteket, årets festspeldiktar Marit Eikemo og festspelgjengangar og forfattar Frode Grytten.