Meir enn 6.750 personar besøkte Båt og Caravan 2017 i Ålesund Storhall denne helga.
– Det har vore ei svært bra messe. Hallen har vore fylt til randa av utstillarar, og vi har hatt rundt 600 fleire besøkjande enn i fjor, fortel dagleg leiar for Storhallen, Synnøve Rogne.
Dette er andre året på rad med vekst i besøkstalet.
Sunnare båtmarknad
Rogne er ikkje heilt sikker på grunnen til den aukande interessa for båt og caravan, men ho anar ein tendens.
– Fant den perfekte bobil for familien på fem
Frå messa blir det fortalt om at kvinner stadig oftare er aktivt med når det skal handlast båt.
– Damene bestemmer meir og meir. Dei kjem meir på banen i det som tradisjonelt har vore mannen sitt domene, seier Sverre Nærø i Ferd Båt AS.
Båtforhandlaren frå Fosnavåg hadde heile 20 båtar utstilt på messa.
Underhaldning
I år tok komikar, programleiar, musikar og forfattar Alex Rosén turen til Storhallen i Ålesund, for å underhalde publikum. Rosén er ambassadør for Redningsselskapet, og har vore på tur med seglbåten Berserk.
– Alex Rosén viste seg å vere ein hyggjeleg kar, med stor utforskartrong. I tillegg til underhaldningsbiten, har han gått rundt og snakka med utstillarane. Om han tenkjer å kjøpe noko veit eg ikkje, men han snuste i alle fall på nokre av produkta, seier Synnøve Rogne.
Combi-camp
Båt og Caravan er den største messa på Nordvestlandet for båtar, motorar, bubilar, campingvogner og utstyr.
Den gode gamle combi-campen er tilbake