Det har vore ei trafikkulukke på Haugen i Eid måndag ettermiddag. Det var ein person i bilen og det skal ikkje ha vore andre bilar involvert.
– Personen er flogen til Haukeland sykehus med luftambulanse. Årsaka er ikkje kjend. Skadeomfanget er ikkje kjend, opplyser operasjonsleiar Odd Arve Solvåg ved Sogn og Fjordane politidistrikt i 14.40-tida.
Ulukka har skjedd på ein kommunal veg i området.
Politiet held fram med å undersøkje staden der ulukka skjedde måndag ettermiddag.
– Saka vert no etterforska ved Eid lensmannskontor, ifølgje operasjonssentralen.
Politiet fekk melding om ulukka klokka 13.18.
Har du tips eller bilete i saka? Tips oss på 95 400 400 eller 95400400@smp.no!