– Eg ønskjer å etablere ein marknadskanal for lokale kunsthandverkarar, seier Linda Fausa.
Firmaet ho startar opp er retta mot eit internasjonalt publikum, og har fått namnet Made in Fjords AS.
Tradisjonelt og nyttig
– Det blir hovudsakleg sal av produkt innan ull, tre og stein, der stikkorda er lang tradisjon og nyttige bruksområde, forklarer Fausa,
Ho har sikra seg lokale i ei løe i Geiranger, vegg i vegg med bakeriet i bygda. Her opnar ho opp dørene i midten av mai, og held fram til ut i september.Men i tillegg skal ho drive sal på nettet, på si eiga nettside.
– Eg har alliert meg med produsentar i nærmiljøet. Til dømes Stordal Møbel, som syr plagg for meg, og treskjerarar i Valldal – og Ålesund og Omegn Geologiforening.
Fausa trur det er marknad for lokale produkt til turistane, at dei vil ha noko som er laga i nærområdet, og ikkje i Kina.
– I butikken kan kundane også få sjå prosessen, frå råmateriale til ferdig produkt. Kunstnarane blir inviterte til å kome til butikken for å fortelje om produkta sine.
Gjer som fleire enn 26.000 andre - lik smp.no på Facebook
Kurs i Geiranger-løa
I tillegg vil Fausa arrangere kurs i løa i Geiranger:
– Dette vil vere kurs som varer i eit par timar, og som difor passar for både cruiseturistar, campinggjestar og andre som er innom Geiranger i løpet av sommaren.
Her kan dei til dømes lære seg å spinne tråd, eller å lage trykk på skinn.
Linda Fausa kjem til å vere ein god del i butikken sjølv, men ho skal også leige inn fleire ungdomar. Dei skal både stå i butikken, og ta kundane med på guida turar ut i naturen.
Felles uteområde me bakeriet
Ho ser fram til å opne i Geiranger, og trur at naboskapet med bakeriet blir bra. Mellom anna skal dei ha eit felles uteområde.
Og skulle sommarvarmen utebli, så tilbyr ho varmepakken «Viking». Denne blir laga i Stordal, og består av ein cape, eit lite pledd og eit sitteunderlag, levert i ei juteveske.
Pleddet har skinnsnor og lommar og har fått namnet «lapwarmer», som også kan brukast som skuldervarmar. Dette er eit produkt som berre Made in Fjords sel.
Les fleire nyheiter frå Indre her
