Det går fort når bebuarar blir sendt frå transittmottak til Volda mottak. Nokre har ikkje rukke å få bagen sin tilbake, skreiv Volda mottak på Facebook i går. Sju menn trong herreklede mens dei venta på at bagen med baggasje skulle komme.
Kleda til asylsøkarane blir nemleg fryst ned i transittmottaket, og i dette tilfellet vart dei ikkje med til det desentraliserte asylmottaket i Volda.
– Vi har ein som går rundt i shorts, fortalde Ellen Hesselberg ved Volda mottak i går.
I løpet av få timar hadde dei fått på døra stort sett det dei trong: Eit par bukser, ganske mange genserar, t-skjorter, litt ungdomsklede, to jakker, og litt ull og sko, fortel Ellen Hesselberg til smp.no.
– Vi la ut meldinga i går og fekk inn det meste i går ettermiddag og i dag tidleg, seier ho. Ho fortel at dei fortløpande legg ut meldingar på Facebook om det er ting dei treng.
Bruke tid
Så presiserer ho dette:
– Eigentleg er det ikkje ting vi treng, men at folk kan bruke litt av tida si på mottaket, seier Ellen Hesselberg.
– Er det likevel visse typar kle som det framleis er behov for?
– Vasstette ytterbukser som dei kan reise på tur i. Vintersko. Og ullklede til barn, seier ho.
Les fleire nyheiter frå Søre Sunnmøre og Nordfjord på smp.no