– Det er ei stor ære for meg å bli ordførar i kommunen eg er så glad i. Dette er første offisielle erklæring frå nyslått ordførar Stein Aam i Ørsta senterparti.
Under ein pressekonferanse i Ørsta onsdag ettermiddag kunne han fortelje at personkjemi hadde vore sterkt medverkande i fordelinga av makt og posisjonar under forhandlingane siste døgnet.
– Folk frå Sp, Frp og Ap har drege spesielt godt i lag i politikken i løpet av siste kommunestyreperioden. Dette viser att når vi no har funne saman til ein ny konstellasjon, sa Aam.
Karen Høydal (AP) vert ny varaordførar.
Inge Kolås held fram som leiar i samfunnsutvalet.