To bilar var involvert i ei trafikkulykke på E39 like ved ferjekaia på Solavågen tysdag ettermiddag.
Politiet opplyste at det var ein påkjørsel bakfrå.
Operasjonsleiar Arild Reite opplyste til Sunnmørsposten klokka 14.15 at tre personar var involvert i ulykka. Dei to bilførarane blei dimmitert av helsepersonell på staden, men passasjeren i den eine bilen blei køyrd til lege for sjekk.
Etter ulykka var det dirigering i ei retning, ifølgje Sunnmørspostens reporter på staden.
Klokka 14.30 er bilane ute av vegbana og vegen opna att.