Statsministeren sa at også ho personleg har venta på brua. Det blir kortare veg til svigerfamilien i Ålesund.
- Dei som har kjørt med bilsjuke barn i bilen forstår at dette er viktig, seier ho. - Så er vi stolte av naturen og skryt av den. Utfordringa her vil kunne bli at mange stoppar midt på for å sjå på utsikta, trur statsministeren, som også tok føre seg utfordringane i oljenæringa på Vestlandet.
Den største utfordringa
Men den største utfordringa er innan næringslivet.
- Vestlandet har større utfordringar enn på lenge, spesielt olje- og gassektoren, og omstilling blir stadig viktigare, sa Solberg.
Statsministeren heldt fram med å snakka om brua si betydning som eksportveg. Det blir også ein tryggare veg og dermed færre ulykker.
Samle regionen
Ho trur også brua vil bidra til ein større, samla bu- og arbeidsmarknad i Sunnmøre og Romsdal.