Slikt ser tollvesenet meir og meir av

– Vi har sett på tala, og det næraste vi kjem ein trend, er at det er ein klar auke i beslaget av dopingmidlar, seier fungerande avdelingssjef Åge Skår ved Tollregion Vest-Norge.

Regionen omfattar Møre og Romsdal, Sogn og Fjordane, Hordaland og Rogaland. Tollvesenet har førebels ikkje fylkesvise tall tilgjengelege.

Dobling

Torsdag vart tala for tollbeslaga på Vestlandet i første halvår offentleggjorde.

Tollvesenet beslaglegger stadig mer syntetisk narkotika

– Kva type dopingmidlar er det snakk om?

– Stort sett er det kroppsbyggarstoff som anabole steroider og testosteron-sprøyter, seier Skår.

Flyplassar

Svært mykje av stoffet som blir avslørt i Vest-Norge blir teke ved flyplassane, ifølge han.

– Vi tek mykje på dei to store lufthamnene i regionen. Men i Møre og Romsdal er det heile tre lufthhamner med internasjonal trafikk, så der også må vi passe på. Men vi kontrollerer også hamnene. I Bergen og Stavanger er det ferjeanløp frå Danmark, så der legg vi ned ein innsats. I tillegg har vi fartøykontrollar.

– Kjem ikkje mykje stoff til Vestlandet via Oslo-området?

– Det gjer det nok. Men vi veit at mykje kjem direkte til Vestlandet også, så det er viktig å legge ned ein innsats.

Narkotika

Tollvesenet legg dei store ressursane i å avsløre narkotikasmugling og organisert kriminalitet.

Dyr toll for gåve med edle dråpar

– Men her er det ikkje så godt grunnlag for å kalle det ein trend. Det er gjerne slik at desse tala blir veldig påverka av store enkeltbeslag, og dei kan variere frå halvår til halvår, seier Skår.

14.216 objekt vart kontrollerte i vår tollregion i første halvår, mot 13.846 i 2013. Talet på forenkla forelegg (1.809) og politimeldingar (333), er om lag på same nivå som i fjor.

I tabellen under kan du sjå kor mykje som er beslagslagt i Tollregion Vest-Norge i Første halvår i 2013 og 2014: