Etter 14 år med Høgre-ordførar i Hornindal, tok Senterpartiet igjen makta for fire år sidan, med støtte frå Venstre. Anne Britt Øen Nygård blei då den einaste kvinna blant ordførarane på Nordvestlandet. Og igjen gjer Senterpartiet eit brakval i kommunen. Heile 33,9 prosent av stemmene har gått til Senterpartiet denne gongen.
Høgre får nest mest av stemmene med 29 prosent, tilbake 3,2 prosent. Arbeiderpartiet fekk 24,9 prosent og er med det tredje størst.
Anne Britt Øen Nygård har sagt frå seg attval, og det einaste sikre etter valet er at Hornindal får ny ordførar. Fire kandidatar kjempar om vervet i det som kan bli siste perioden for Hornindal som eigen kommune.
Senterpartiet har sterk posisjon i kommunen, og Eldar Engelund vil kjempe om å bli ordførar. Men Høgre er lystne på ta tilbake ordførarmakta, med Stig Olav Lødemel i spissen.
Brynhild Lund Notøy er ordførarkandidat for Venstre og Randi Langlo kjempar kampen for Arbeidarpartiet.
