Klokka 05.18 laurdag morgon fekk politiet melding om brann/røyutvikling i eit bustadhus på Fiskå i Vanylven.
– Brannvesenet var raskt på staden og fekk ut huseigaren, ein mann i 60-åra, opplyser Sogn og Fjordane politidistrikt.
Mannen vart undersøkt av helsepersonell på staden.
– Politiet har gjort åstadsundersøking på staden, og kome til at tørrkoking på kjøkkenet truleg er årsak til røykutviklinga, opplyser politiet.
Huset har ikkje synlege skadar utvendig. Saka blir etterforska av lensmannskontoret.