Høgre framleis størst i Sande

Det går truleg mot ei ny periode i ordførarstolen for Dag Vaagen i Sande. Partiet held stillinga med ei oppslutning med 36 prosent. Størst framgang har Ap med vel 12 prosent for ordførarkandidat Arnljot Muren.

Høgrebølga ved siste kommuneval gjorde at Dag Vaagen vart ordførar i Sande.

Vaagen har 28 års erfaring i kommunestyret i Sande, og satsar på ein ny periode som ordførar.

Senterpartiet vart valtapar for fire år sidan, og håper på å kome sterkt tilbake denne gongen. Ordførarkandidaten deira er Olav Myklebust, som også er leiar for Møre og Romsdal Senterparti.

Også Arbeidarpartiet stiller med ein dreven førstekandidat: Arnljot Muren, medan Kåre Fjørtoft er Frp sin ordførarkandidat. I Sande er det også ei tverrpolitisk valliste for Voksa, Sandøy og Kvamsøy med Helge Støylen på topp.