Den planlagde fusjonen mellom tre reisemålselskap på Sunnmøre og i Nordfjord stranda tidlegare i år, då Reisemål Stryn & Nordfjord ikkje ville bli med vidare.
Men dei to andre selskapa, Destinasjon Ålesund & Sunnmøre (DÅS) og Destinasjon Geirangerfjord-Trollstigen (DGT), går vidare med fusjonsplanane.
Innstiller på fusjon
Styret i DÅS innstiller på fusjon og har foreslått at destinasjonsselskapet skal heite Visit Geirangerfjord & Ålesund AS.
Medlemane i dei to selskapa vurderer no om dei skal slutte seg til fusjonsplanane.
Kjende reisemål
Rådmannen i Hareid rår politikarane der til å gå inn for fusjonen. Det blir vist til at Geirangerfjorden er blant dei aller mest kjende reisemåla i Norge og at Ålesund er blant dei aller mest kjende reiselivsbyane.
- Sunnmøre som region står sterkt som reisemål med to så kjende og ikkje minst komplette reisemål, heiter det i saksutgreiinga.
Hareid betaler i dag 138.000 kroner i medlemsavgift til destinasjonsselskapet. Ny sats i nytt selskap blir 113.000 kroner.