Nye reglar gjer det nemleg ulovleg å la dei kommunale TV-sendingane ligge ute meir enn to veker – dersom dei ikkje er teksta.
– Om eit opptak skal ligge tilgjengeleg i meir enn 14 dagar skal det vere teksta. Dette har vi per i dag ikkje ei løysing for, så for å møte lovkrava må vi ta dei vekk. Opptaka vert ikkje sletta, og er tilgjengeleg på førespurnad, men vi kan ikkje ha dei liggande på nettsida, seier kommunikasjonssjef i Møre og Romsdal fylkeskommune, Inger Johanne Moene, til Sunnmørsposten.
Både fylkeskommunen og mange kommunar brukar å sende politiske møte anten på Facebook eller eigne plattformer.
Spesiell stemning på spesielt møte: – Vi får prøve å reinske lufta etter kvart
Lenge har dei berre kunne lagt ute, slik kven som helst kan sjå dei i ettertid.
No må altså kommunane og fylkeskommunen anten skaffe seg folk som kan tekste – eller berre arkivere sendingane.
I reglane til Tilsynet for universell utforming av IKT heiter det:
«Direktesendte videoer er i utgangspunktet unntatt fra kravene til universell utforming. For offentlig sektor gjelder imidlertid ikke unntaket absolutt. Dersom en direktesendt video re-publiseres, eller blir liggende på nettløsningen i mer enn 14 dager, endrer den rettslig status og anses for å være en forhåndsinnspilt video. Da gjelder kravene til teksting av forhåndsinnspilt videoinnhold.»