Ulukka skjedde sør for Dimnakrysset på fylkesveg 61, i området Gardshol, mellom Gardnes og Ulsteinvik.

- Ingen personskade i bussen, som hadde ein passasjer. Førar av personbil er tilsynelatande lettare skada og blir sett til av ambulansepersonell, skriv politiet på Twitter klokka 08.33.

Politiet dirigerer trafikken på staden, og bilistar kan vente seg kø.

– Tipsarar fortel at det har bygd seg opp lange køar på fylkesveg 61, i tillegg til at mange prøvar å kome rundt ulukka via Garsholvegen, skriv Vikebladet Vestposten like etter ulukka.

Operasjonsleiar Ragnvald Rasmussen seier til Sunnmørsposten klokka 08.55 at trafikken nå flyt som normalt.

- Bilbergar er varsla, bilane ligg utanfor vegen. Det er rydda opp på staden og trafikken kan flyte som normalt, seier han.

Førar av personbilen er køyrd til legevakta i Volda for sjekk.

Politiet opprett sak etter ulukka.

Klokka 10 melder Statens vegvesen at riksveg 61 blir stengt i periodar som følgje av bilberging etter ulykka.

Arbeidet vil begynne rundt klokka 11.30, det er ukjent kor lang tid det vil ta.

Klokka 13.36 melder Statens vegvesen at det framleis blir jobba for å berge bussen som var involvert i ulykka på fylkesveg 61 onsdag morgon.

- Trafikken flyt greit forbi staden, skriv dei i ei twittermelding.

Klokka 13.56 melder vegvesenet at vegen er heilt open etter berging av bussen.