Det blei middag på primus torsdag for Sunnmørsposten sin journalist i Hornindal. Men etter nærare fire timar har dei no fått tilbake straumen.
Linja (tidl. Mørenett) melder at straumen er borte i Volda kommune. Også Hornindal er råka av straumbrotet. 1.468 kundar var utan straum klokka 15.06.
– Bygda er heilt mørklagd og vi har vore utan straum i tre timar, sa Sunnmørsposten-journalist Anne-Mari Tomasgard, som er busett i Hornindal.
– Det har oppstått ein feil i det elektriske nettet som har ført til avbrot i straumforsyninga, opplyser Linja.
Ifølgje Yr.no er det −6 grader i Hornindal torsdag kveld.
Tomasgard har imidlertid beredskapen i orden i heimen.
Klokka 18.28 var framleis 764 utan straum.
Hornindal skisenter melder at det er usikkert om dei får opna på tida.
– Det kan bli andre ord bli forsinka opning, skriv dei på Facebook.
Har fått tilbake straumen
Linja hadde ei målsetting om å få lagt inn alle kundar igjen i 18-tida, men meldte klokka 18.20 at det var problem med å få inn ein transformator.
– Det vil gå eit par timar til, opplyste dei. Det måtte omkoplingar til i nettet for å forsyne alle med straum.
Like før klokka 19 fekk folk i Hornindal melding om å avgrense straumforbruket mest mulig på grunn av kapasitet.
Klokka 19.18 opplyser Tomasgard at dei no har fått tilbake straumen etter nærare fire timar utan.
Straumen kjem og går i Hornindal ved 19.45-tida.