Petter Lyshol frå Høgre er ordførar i Sykkylven. Han kom til makta for fire år sidan, og han stiller til attval. Høgre og Frp får til saman rundt 48 prosent av stemmene i kommunen.
Ved midnatt ser det ut til at Høgre får åtte representantar i kommunestyret. Frp ligg an til seks representantar. Det gir akkurat ikkje fleirtal.
Utfordrarar er i første rekke Arbeiderpartiet sin Steinar Johan Bakke, og Olav Harald Ulstein frå Framstegspartiet. Sistnemde, ofte omtala som Farmen-Olav, er i dag varaordførar i kommunen.
Arbeidarpartiet får i overkant av 19 prosent av stemmene i Sykkylven, og ser ut til å få seks representantar i kommunestyret.
Med KrF eller Venstre på laget blir det blått fleirtal i kommunen.