Som Sunnmørsposten tidlegare har meldt søkte Møre og Romsdal fylkeskommune om utsett frist til å uttale seg om områdeplanen på Sulafjellet, altså der Flakk Gruppen ønsker å bygge ei gondolbane.
I lys av dette har Sula kommune no bestemt seg for at alle får utsett frist til 10. november, skriv dei på nettsida si.
I denne kommunen kan éi sak avgjere
Emilie kjemper for åpenhet om endometriose: – Unge jenter skal bli hørt og trodd på
Dette er den såkalla andregongs offentlege høyringa i saka.
I den første runden kom blant andre fylkeskommunen og Statsforvaltaren med nokre kritiske merknader. Men det er høve for kven som helst til å sende inn innspel.
Den sjansen har mange nytta.
Sidan starten av oktober og fram til fredag 3. november har Sula kommune journalført 55 innkomne skriv i saka.
Statsforvaltaren er ikkje blant dei som har sendt inn innspel så langt, men det har blant andre NVE gjort.
– Når høyringsfristen er ute, vil administrasjonen i kommunen gå igjennom alle innspel, og sjå om dei er belyst i planforslaget. Administrasjonen skriv så eit forslag til innstilling i saka. Den blir så sendt til politisk behandling, det er dei politiske organa som bestemmer kva som skal skje med planen vidare, skriv Sula kommune på si nettside.
Sirkushest tilbake i manesjen – og 20 andre hendingar vi vil hugse frå årets val
Prosjektleiar Terje Devold har tidlegare uttala til Sunnmørsposten at prosjektet i beste fall kan bli vedtatt før jul. Og bygginga kan starte i april.
Spørsmålet no er om den utsette fristen i høyringsrunden gjer det vanskeleg å rekke å behandle saka før jul.