Sunnmørsposten har opp gjennom åra stått som utgjevar av ei rekkje bøker med lokal bakgrunn. I år har ansvarleg redaktør Hanna Relling Berg bestemt seg for å gje abonnentane ei julegåve, i form at ei fritt valt bok mellom åtte ulike titlar frå Sunnmørsposten Forlag AS.
Fleire bøker kan også kjøpast til sterkt rabattert pris. Abonnentar kan hente bøker både i hovudredaksjonen i Ålesund og ved lokalkontoret i Volda.
Onsdag vanka det også kaffi og julekaker attåt drøs om både bøker og anna i Volda.
- Responsen har vore gledeleg. Eg har opplevd hyggjeleg prat med mange frå lokalmiljøet i Volda i ettermiddag. Ikkje minst har eg fått mange tips til stoff og innspel elles om avisa vår, seier Hanna Relling Berg.
Ho tilbyd dei som ikkje rakk å kome innom og få seg bok onsdag, å stikke innom anten i Volda eller i Ålesund ein av dei komande dagarne framover. Nokre bøker er naturleg nok meir populære lokalt enn andre, og her gjeld prinsippet om først til mølla…
