Føraren har ifølge politiet køyrt utfor vegen ved Langedal, litt aust for Storebru.
– Singelulykke i 80-sona. Berre førar på MC. Ukjent skadeomfang. Naudetatar på veg til staden. Trafikken passerer, opplyser Vest politidistrikt klokka 21.12.
AMK sendte like etterpå eit ambulansehelikopter til staden, og politiet nådde fram.
– Politiet er framme på staden og varetar MC-føraren. Patruljen melder at vedkomande er bevisst.
Politiet sikra også spor og undersøkte ulykkesstaden.
– Pasienten på veg til å bli flydd til Førde sentralsjukehus. Politiet gjer nokre undersøkingar på staden, opplyser politiet sin operasjonssentral 21.41.