Møre og Romsdal fylkeskommune følgjer råda frå Meteorologisk institutt og hevar beredskapen som følgje av varselet for dei komande dagane, heiter det i ei pressemelding.
Tysdag blei det også kjent at det blir nettundervisning for alle elevar i Møre og Romsdal onsdag. Og i Ålesund kommune stenger alle grunnskular.
Ekstremværet Ingunn treffer Norge onsdag – ventes ekstremt kraftig vind
Det er sendt ut raudt farevarsel som gjeld frå onsdag ettermiddag, og som følgje av vêret vil det sannsynlegvis bli stengde bruer og vegstrekningar, spesielt i ytre delar av fylket.
Dette gjer at det er sannsynleg at busslinjer, ferjer/hurtigbåtar og skoleskyss i fylket, kan bli innstilt i løpet av dagen.
– Vêrsituasjon tilseier at det kan bli store følgjer for framkomme i trafikken. Vegar kan bli stengd på grunn av tre eller andre objekt i vegbanen. Vi ber alle følgje råda som kjem og ta varsel på alvor. Vi vil følgje tett med på situasjonen, seier fylkesvegsjef i Møre og Romsdal fylkeskommune, Ole Jan Tønnesen.
Det er òg venta krevjande forhold i indre strøk natt til torsdag, når vinden skal snu og det kjem nedbør, mest truleg som sludd og snø i indre strøk. Snøskredfaren aukar også vesentleg i løpet av onsdag ettermiddagen og kvelden, opplyser fylkeskommunen.
Direkteblogg: Følg uværet på Nordvestlandet