To personar vart frakta til sjukehus med luftambulanse etter at dei rulla rundt med ein bil i Skorgura, mellom Ørsta og Vartdal, på E39 natt til laurdag.
– Bilføraren, ein tenåring var påverka av alkohol, mista kontrollen på bilen og rulla rundt i vegbanen, før dei landa på hjula igjen, opplyser operasjonsleiar Borge Amdam i Sunnmøre politidistrikt.
– Begge personane i bilen var tilsynelatande lettare skadd etter ulykka, legg Amdam til.
Det vart tatt blodprøve av føraren på Ålesund sjukehus, og førarkortet hans vart beslaglagt.
Politiet fekk melding om hendinga klokka 02.35.