Det melder Møre-Nytt. Adm.dir. Kjetil Nesset seier til avisa at dei ventar ein auke i omsetninga i år på ti prosent.
Og han fortel at det er innan trafikksikring at brorparten av auken vil kome. I tillegg er det venta ein auke i eksporten til Sverige og Storbritannia.
Siste året har Vik Ørsta investert 20 millionar i å byggje opp ei ny line for lysmaster.
Dette har vore gjort i den tidlegare Grepa-fabrikken på Mosflata, skriv avisa.
Vik Ørsta har i dag 200 tilsette i Ørsta og 75 tilsette i Vik i Sogn.
Tidlegare i vinter feira bedrifta at dei var 70 år, ved å samle alle tilsette til fest i Loen.