- Eg gler meg til to nye år. Det speidaren bidreg med er minst like relevant i 2016 som ved oppstarten for over hundre år sidan, seier Roald i ei pressemelding.
Speidertinget
Det var laurdag at May-Britt Roald frå 3. Rauma Isfjorden speidargruppe i Romsdal og Nordmøre krins var attvald som speidarsjef for 2016-2018. Valet gjekk føre seg på Norges speiderforbund sitt landsmøte Speidertinget i Drammen.
Roald ønskjer at erfaringa og kunnskapen som speidarforbundet har opparbeidd heilt frå starten, skal utløyse endå meir medbestemming og erfaring i leiing blant barn og unge framover.
Nytt styre
I det nye speidarstyret har speidarsjefen med seg visepresident Karl-Erik Onstad frå Fredrikstad krins, og styremedlemmane Steinar Klokk frå Sunnmøre krins, Mats Brunsvik frå Sogn og Fjordane krins, Christina Eide frå Grenland krins, og Tone Ødegaard og Andy Hyde frå Follo krins.