Ved Breiviksenteret i Breivika var det branntilløp i eit lager. Taket i butikken skal vere gjennombrent. Branntilløpet førte til stor røykutvikling i lageret, og moderat med røykutvikling i sjølve butikken.
Årsaka til brannen er sveisearbeid på taket.
Politiet fekk melding om hendinga like før klokka 12.00 onsdag. Brannen er under kontroll.
Brannmannskap og politi er på staden og etterforskar brannen.
OBS Bygg, Bohus og Biltema held til på Breiviksenteret. Grunna brannskader er andre etasje ved Bohus stengt grunna fare for gass og røyk. Første etasje er open.
- Vi køyrer på med fulle vifter i andre etasje. Det er snakk om timer før vi kan åpne etasjen igjen, seier dagleg leiar Kjell Skårbrevik ved Bohus i Breiviksenteret.
Biltema og OBS Bygg held opent.
Har du opplysningar eller bilete til denne saka? Send sms/mms til 95 400 400, epost til 95400400@smp.no eller ring 95 400 400
