Mykje folk var innom annekset til gamle Yris hotell på galleriet sin opningsdag.
- Det har vore ein hektisk, men veldig artig dag. Mykje kunstinteresserte folk har vore innom dørene for å sjå både måleri og glaskunst.
Bak Galleri Eikås står systrene Jertrud og Anny Eikås, opphavleg frå Kjølsdalen, og målarvenninna Åse Berge.
- Åse og eg bur i Bergen, men vil stadig kome oppom. Galleriet er ope torsdagar, fredagar og laurdagar, og det er Anny som til vanleg skal bestyre galleriet. Det er ikkje berre, berre å starte galleri. Det har vore mykje jobb, men når ein ser dette i dag er det ei stor belønning, seier Jertrud.
Galleri Eikås inviterte til opning med sveler og ballongar.
Utfyller kvarandre
- Her er litt for ein kvar smak. Forutan mine og Åse sine bilder i akryl på lerret, har Anny mest akvarellar. I tillegg har vi kunstglas, keramikk, tova labbar og luer, tekstilbilde og kunstkort. Vi har også litt smykker i fusing, fortel Jertrud.
Ho er ikkje redd for å vere i konkurranse med det etablerte galleriet i Gamlebanken.
- Kultur avlar kultur, og eg trur vi utfyller kvarandre. I Bergen litt fire-fem galleri etter kvarandre, og folk stikk innom alle. Smaken er ulik. Vi har tru på at fleire galleri også her i Eid vil avle endå meir, fastslår Jertrud.
Ho har gledd seg til opningsdagen i lang tid, og sov heller ikkje særleg før opningsdagen laurdag.
- Dette har vi sett fram til lenge. Vi veit sjølvsagt ikkje korleis det vil gå, og vil ta ei evaluering i juli-august. Om galleriet ikkje er populært nok er det berre å pakke saman, men vi stiller med ope sinn og satsar, seier ho.
Les fleire kulturnyheiter på smp.no
Les fleire nyheiter frå Søre Sunnmøre og Nordfjord på smp.no
