Busskuret i betongelement vart liggande flatt etter kollisjonen.
Ifølgje vitne er det lange bremsespor på staden.
– Det har nok vore høg fart. Ein nabo høyrde ein lang akselerasjon og deretter bremsing. Vi kan vere glad det ikkje er skuletid, seier ein person som bur i området til smp.no.
Det skal ikkje ha vore andre personar i bilen. Føraren framstod som uskadd men vart sjekka nærare av ambulansepersonell på staden.
Deretter vart han tatt med til akuttmottak Ålesund sjukehus for nærmare sjekk og for blodprøve.
– Vi fekk inn melding klokka halv sju. Ifølgje vitne framstod føraren som synleg rusa, seier politiets operasjonsleiar Borge Amdam til smp.no.
Hendinga var ifølgje politiet ikkje til hinder for anna trafikk.
