Må i fengsel for båtpromille

Med nær 2,5 i promille køyrde mannen i 40-åra ein fritidsbåt inn i hamna, der folk sat ute på båtane sine i finvêret.

<strong>dømd:</strong> Søre Sunnmøre tingrett meiner mannen i 40-åra har gjort seg skuld i eit grovt lovbrot, ved å føre ein 20-fots båt med nær 2,5 i promille, inn i ei båthamn der fleire personar var på båtane sine.

Søre Sunnmøre tingrett har dømt mannen til fengsel i 14 dagar. Retten meiner farepotensialet var stort, sett i høve til alkoholpåverknad, motorkraft og storleik på båten.

Ifølgje dommen hadde mannen vore på fisketur, før han la til kai. Han gjekk på land for å kjøpe seg ei øl, men blei seinare merksam på at båten låg og dreiv i hamna. Då han prøvde å få tak i båten, datt han på sjøen.

Tre timar etter at han var pågripen av politiet, hadde han 2,16 i promille, men retten finn bevis for at han hadde nærare 2,5 i promille på båtturen.Mannen har også fått forbod mot å køyre fritidsbåt som krev båtførarbevis i eitt år og tre månader. Som vilkår for å få igjen førarretten må han klare båtførarprøva.