Det har vore innbrot i fleire hytter i Syvde-området i Vanylven den siste tida, skriv Fjordenes Tidende.

– Det er tre-fire hytter og andre verksemder som har hatt innbrot. Vi har ikkje så mange opplysningar og heller ingen mistenkte så langt. I første omgang trur vi det er snakk om lokale personar som står bak, og ikkje omreisande, seier regionlensmann Tormod Hvattum til avisa.

Politiet oppmodar dei som har opplysningar i saka, om å ta kontakt.