Inviterer til prøvetur med ny hurtigbåtrute

Håper å vere eit steg nærare hurtigbåt frå Åheim og Stad til Ålesund og Vigra.

Illustrasjon: Vanylven Utvikling 

Søre

Det er halvanna år sidan tre Selje-politikarar avslørte planar om ei ny hurtigbåtrute mellom Selje og Ålesund/Vigra.

Vanylven Utvikling har jobba med saka. Og no håper dei å vere eit steg nærare. Seinare i august inviterer dei til prøvetur frå Åheim og Stad til Ålesund, for å vise fram engasjementet som er på søre Sunnmøre.

- Næringslivet er ivrige på å få dette til. Frå Åheim og Stad gir dette ei halvering i reisetida til Ålesund og flyplassen på Vigra, seier Tor Inge Nygård i Vanylven Utvikling til smp.no. Plassen om bord på prøveturen er først og fremst tiltenkt næringsliv og politikarar.

Reisetida vil kome ned mot 1,5 time, med stopp på Åram, Eggesbønes og i Ulsteinvik.

- Det vil også vere behov for transport av arbeidarar til Stad skipstunnel, der 80-100 arbeidarar skal jobbe kontinuerleg i fire år, seier Nygård, og unngår heller ikkje å nemne turistnæringa på søre Sunnmøre.

Ein hurtigbåt til Stad kan også korrespondere med dagens hurtigbåt mellom Selje og Bergen.

Les også: Norled har interesse i å forlenge dagens rute frå Bergen til Selje vidare til Ålesund.

Les også: Vil ha skipstunnelhotell

Informasjonsvideo fra Kystverket om Stad skipstunnel. Filmen viser hvordan skipstunnelen kan se ut. Den viser innseilingen gjennom Moldefjorden, og en tenkt seilas gjennom tunnelen med hurtigbåt, og utgang i Kjødepollen. Video: Kystverket/Appex

Sunnmørsposten ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg.
Søre