(Vikebladet Vestposten) Hødd fekk finaledraumen knust, etter at dei tapte for Tiller i semifinalen i J18/19 i Norway cup fredag kveld. Dermed vert det bronsefinale for Hødd laurdag kl 11.05.
Det stod 0-0 ved pause, men Tiller skåra tre mål- det eine på straffe- tidleg i andre omgang, og då var løpet køyrt for Høddjenten. Tiller la på til 4-0 mot slutten av kampen.
Begge laga hadde ein kamp frå tidlegare i dag i beina, og både Tiller og Hødd hadde fleire sjansar i første omgang.
Tiller slo ut Lyn på straffer medan Hødd var sterkast mot Herd i straffekonkurransen.
Det var dårleg ver under kampen på Ekeberg, med pøsregn og torever, noko som gjorde bana tung og våt.
Saka blei først publisert på Vikebladet.no