Under dokumentarfilmfestivalen i Volda gjekk prisen for beste dokumentarfilm til filmen «De andre», opplyser festivalen i ei pressemelding.
Også under Bergen Internasjonale Filmfestival i fjor haust vart filmen kåra til beste dokumentarfilm.
Regissør Margreth Olins film fortel om unge asylsøkjarar som kjempar for å behalde livshåpet. Dei vil bli verande i Norge men fryktar å bli sendt tilbake der dei kjem frå etter fylte 18 år.
Sjå også: Olin spør om «de andre» er mindre verdtSjå også: Vant under Bergen Internasjonale Filmfestival
– Dette er ein sterk og nær film som også set spørsmålsteikn ved kva som skjer når me bryt etiske grunnprinsipp, skriv DOKFILM 2013 i filmomtalen.
I juryen sit juryleiar Egil Ødegård, Stina Gardell og Ulrik Eriksen. Dette seier dei om vinnarfilmen:
«Årets vinner er en fantastisk fin og sterk skildring som med små, skjøre visuelle grep forsterker og hever fortellingen slik at det virkelig merkes. I en tid der det er så vanskelig å se individene bak medienes skildring av unge innvandrere, klarer filmskaperen å nå frem til oss med sterke, intime møter med helt bestemte og egenartete individer, og får oss slik til å se dem med øyne som gjør at vi ønsker å være med dem. Det er en usedvanlig viktig historie, men også en usedvanlig gjennomført film, filmatisk sett.»
Heiderleg omtale
Heiderleg omtale går til filmen «Magnus – en vårdag». Regi: Magnus Lilleberg.
Heiderleg omtale går også til filmen «Dagbok fra revolusjonen». Regi: Nizam Najjar.
Årets studentproduksjon gjekk til filmen «Tilbake». Regi: Kristin Dahlen Rogstad
Årets publikumspris gjekk til «Litle World». Regi: Marcel Barrena.Filmen handlar om unge Albert Casals som sit i rullestol, men dette har ikkje hindra han i å leve ut draumen sin om å reise og oppleve.
