Brukarane av sambandet blir ikkje invitert til gratis kakefest i 12-millionarsklassa. I staden blir det ledlys og ny asfalt, går det fram i ei sak til samferdsleutvalet i fylket.
Eiksund-, Helgehorn- og Morkaåstunnelen får nye led-lys. Prisen er fem millionar kroner.
Selvågtunnelen får ny raudblink og nye bommar. Det kostar 1,5 millionar.
På Steinnesstranda er det djupe spor i asfalten på ei om lag 1,4 km lang strekning. Det vert anbefalt asfaltering, som er kostnadsrekna til om lag 1,3 mill. kroner.
Sjøvatnet fossa inn - djupt nede i Eiksundtunnelen
I Morkaåstunnelen er det djupe spor i asfalten og slepp/skadar i dekket. Det vert anbefalt asfaltering, som er kostnadsrekna til om lag 0,8 mill. kroner.
I Selvågtunnelen er det behov for sikringsnett ved fjellskjering/tunnelportal. Ved veromslag om vinteren losnar det isflak frå fjellskjering som ramlar ned på vegbanen. Dette kostar rundt ein million.
I Selvågtunnelen er det sporete veg. Her vert det anbefalt fresing og dekkelegging, som er kostnadsrekna til om lag 1,5 mill. kroner.
Ny fartsmåling under sjø
Når dette er gjort er det i underkant av tre millionar kroner igjen som skal nyttast til tiltak for å hindre utforkøyringar.
Eiksundsambandet var endeleg vedteke av Stortinget i februar år 2000.
Prosjektet si samla ramme var på 750 millionar 1999-kroner, der bompengane finansierte om lag 135 millionar.