Innlegget nedanfor vart sendt inn til Smp 17.8, same dag som Bjørdal sitt første lesarbrev vart publisert.

Hovudtillitsvalt Bjørdal for NSF ved Ålesund Sjukehus etterlyser at vi også må ha fokus på kva vi kan gjere for sjukehuset. Dette synspunktet deler eg med Bjørdal og alle på lista Arbeidarpartiet si liste gjer det same.

I inneverande periode har vi saman med ordførar Eva Vinje Aurdal fått kommunestyret med på fleire gonger å sende tydelege signal til Helse Møre og Romsdal og Helse Midt-Norge i saker med bekymring for finansiering og vidare utvikling.

Mange av oss har også vore aktive i prosessen for å sikre AIO bygget og vi har fått klar lovnad om at dette blir finansiert i statsbudsjettet for 2024.

Underteikna har også vore i styret i den tverrpolitiske Foreninga Sjukehuset vårt og foreininga kunne i fjor også overlevere PET scanner til sjukehuset.

I kommunen er det fastlegekrise, og få søkarar til sjukepleiarstillingar, men vi er også klar over at det store rekrutteringsproblem for begge desse yrkesgruppene ved sjukehuset. Ein attraktiv by med god økonomisk styring har gitt moglegheit for mange nye skulebygg og vi vil bygge fleire kommunale barnehagar og vi satsar på utvikle Ålesund som kulturby. Alt dette er viktig for rekruttering.

Underteikna vil også arbeid vidare med å få til betre samarbeid med sjukehuset. Det er klart at målet vårt må vere saumlause overgangar mellom behandlingsnivåa. For å få dette til, vil vi etablere Pårørandesenter og styrke tildelingskontoret, som har den daglege kontakten med sjukehuset.

Vi vil jobbe saman med dokke for gode helsetenester i både kommunen og i sjukehuset! Som mangeårig avdelingssjef og klinikksjef ved sjukehuset, har eg kjempa mange kampar for ressursar dit og fått god hjelp frå politikarar lokalt og på stortinget. Kampen for at Ålesund Sjukehus skal vere det beste og mest differensierte sjukehuset i regionen, etter St. Olav, er ikkje vunnen, den må vi ta saman når det trengst!