I Sunnmørsposten mandag 19. juni står å lese på side 4 at «Flere hundre deltok i Pride-toget i Ålesund lørdag.»
Ålesund Sentrumsforening stod som arrangør av Pride i 2023. Eg valte difor å stille eit spørsmål om eit meir nøyaktig tal på deltakarar i paraden på foreininga si Facebook-side. Der fekk eg oppgitt at nærmare 4000 deltok i paraden.
Då det er eit rimeleg stort misforhold mellom opplysningane gitt i avisa og det talet som Ålesund Sentrumsforening opererer med, valte eg å etterspørre opplysingane hos Sunnmørsposten. Der fekk eg stadfesta dei opplysingane som stod i deira reportasje; og at det så langt derifrå var snakk om 4000 deltakarar.
Så no sit eg, og fleire med meg, og er heller forvirra når det gjeld dette spørsmålet.
– Kjærligheten er for alle, uansett hva du kallar deg sjølv
Ålesund Sentrumsforening svara meg også følgande på deira Facebook-side; «Vi har med oss profesjonelle aktørar som har kontroll på hvor mange mennesker som gikk i paraden i år også, det er med stor glede at vi kan meddele at det var nærmare 4000 personer i paraden i år.» Då eg så stilte spørsmål om kven desse «profesjonelle aktørar» er, så har eg enno ikkje fått noko svar på det.
Men, forhåpentlegvis så kan Ålesund Sentrumsforening kome med svar på følgande her i avisa:
Står foreininga fast ved at nærare 4000 personar gjekk i paraden i år?
Kva profesjonelle aktørar var det som soleis er ansvarleg for talet (nærare 4000 personar) som er oppgitt?