Leserbrev av Harald Nordang

Det har slett ikkje roa seg i «gamle Haram»

Svar til statsministeren.

Vil ut: Tvangssamanslåinga av Haram har skapt eit sterkt opprør blant folk: Dette vil vi ut av, seier Harald Nordang.  Foto: Marius Simensen

Leserinnlegg

Organisasjonen «Haram ut av Ålesund» reagerer sterkt på ein uttale statsminister Erna Solberg kom med til avisa Møre-Nytt for ei tid tilbake.

Sunnmørsposten og Bygdebladet hadde også same oppslag.

Der seier ho mellom anna at ho no høyrer at det er uro i gamle Haram kommune, men reknar med at det vil roe seg ned.


Statsministeren om kommunesamanslåing:

Reknar med det vil roe seg ned i Haram

– Dei aller fleste kommunesamanslåingane har vore vellukka. Det trass i eit år med pandemi.


Ein slik uttale frå statsministeren er svært provoserande og utruleg maktarrogant, og viser at ho slett ikkje har sett seg inn i kva folk frå gamle Haram protesterer mot!

Ho viser til at kommunesamanslåingane kom berre månader før pandemien råka landet, og at det er imponerande at det har gått såpass bra trass i dei utfordringane kommunane har hatt i denne perioden.

Ja, pandemien har skapt utfordringar, men det statsministeren kallar URO i gamle Haram, har garantert ikkje så mykje med pandemien å gjere. Det folk reagerer sterkt på, og vil ut av berre halvtanna år etter tvangssamanslåinga, er alt gjennomførte og nyleg varsla nedskjeringar på viktige kommunale tenesteområde som helseomsorg, skule, barnehage samt dårleg, dyrare og langtekkeleg saksgang på ulike område. I tillegg kjem no eigedomsskatt og auka kommunale avgifter.


Rapport frå nordre strok:

Denne mannen står i spissen for Haram-opprøret

Harald Nordang var Høgre-mannen som vart senterpartist. No vil han ha tilbake Haram kommune. Og han er ganske sikker på at han skal få det til.


Det er mogleg at samanslåinga av Volda og Hornindal har vore vellukka, det vil ikkje eg uttale meg om. Men tvangssamanslåinga av Haram har skapt eit sterkt opprør blant folk: Dette vil vi ut av.

Etter at aksjonen «Haram ut av Ålesund» starta, har det kome inn godt over 4.000 underskrifter som støttar folkeaksjonen, og det tikkar jamt inn nye. Dette er noko statsministeren må ta på største alvor!


-------------------------------------------

Har du noko på hjartet? Send eit innlegget til meninger@smp.no.

Her finn du alt meiningsstoffet på smp.no!