– Dette er ei klassisk gründerbedrift i tredje generasjon som har hatt sitt utspring i nærområdet her i Haram. Etter kvart som selskapet har kjøpt opp andre, har dei hatt stor betyding både for kundar, sysselsetting og busetnad langs kysten, seier styreleiar Sveinung Flem.

Les kommentar: «Er hele Sunnmøre til salgs?» (for abonnentar)

Selskapet blei i si tid starta opp som ei fiskevegnbedrift og har røter tilbake til 1913. Medan fiskeriprodukta har hatt jamn etterspurnad, har Mørenot opplevd stor vekst i havbrukssatsinga – medan seismikkområdet har gått ned. Til saman har konsernet kring 530 tilsette.

– Vi har stor beundring og respekt for Mørenot og er svært imponert over det solide fundamentet leiinga og familiane har bygd opp gjennom fleire generasjonar. Med lokal forankring har dei utvikla ein leiande global spelar basert på kvalitetsprodukt, utmerka service og næra relasjonar til sine kundar, seier partnar Ulrik Smith i FSN Capital Partners AS i ei pressemelding i samband med kjøpet.