2016-rapporten konkluderte med at Nordøyvegen er god økonomi, og at prosjektet ikkje kjem til å ta pengar frå andre formål til fylket. Sidan då har både forventa utgifter og forventa inntekter i prosjektet auka. Derfor har Deloitte gjort nye utrekningar, fortel Glen Bradley i Sandøy-selskapet Rostein. Fredag hadde dei ein såkalla avsjekk på rapporten, som etter planen blir offentleggjort denne veka.
– Nordøyvegen er god økonomi
Den første rapporten var bestilt og betalt av selskapa Rostein og I.P. Huse. Denne gongen er det næringslivet i både Sandøy og Haram som står bak, fortel Bradley.
Skanska, som vann anbodskonkurransen, skal ha heile 3,0 milliardar kroner for å bygge Nordøyvegen.