Det kraftige regnveret kjem måndag og tysdag. Den gamle grusvegen er smal og kan fort bli vanskeleg å ta seg fram på i slikt ver, melder Fjordingen.
Klokka 12.50 melder Vegtrafikksentralen at også Trollstigen er stengd.
I samband med det varsla ekstremvêret «Hans», melder Varsom.no oransje farevarsel for jordskred på indre Sunnmøre.
Stranda, Geiranger, Hellesylt, Tafjord og Valldal ligg i dette området. Det gjer også Åndalsnes.
Fylkesvegsjef Ole Jan Tønnesen fortel at fylkeskommunen er i beredskap og følgjer situasjonen nøye:
– Vi har mange folk ute som inspiserer viktig infrastruktur på utsette fylkesvegar, og som gjer løpande vurderingar omkring stenging av vegar, seier Tønnesen.