Selskapet Voldsfjordkryssing AS blei stifta i februar. I ekstraordinær generalforsamling er det vedteke å utvide aksjekapitalen.
– Å gjere Voldsfjorden ferjefri, vil vere eit viktig utviklingssteg for heile regionen, skriv styreleiar Jørgen Amdam og styremedlemene Martin Brænne og Odd A. Folkestad i invitasjonen til å delta i emisjonen i selskapet.
Dei viser til at prosjektet kommunikasjonsmessig vil bety revolusjonerande mykje – ikkje minst for å binde Sunnmøre og Nordfjord betre saman.
Ei bru over Voldsfjorden vil erstatte ferja frå Volda til Folkestad.
– Ei kvar fjordkryssing der ferje vert avløyst med fastlandssamband går samfunnsutviklinga monaleg framover – faktisk kan det kanskje seiast slik at det er samferdselsutviklinga som i stor grad vil styre samfunnsutviklinga, heiter det i brevet.
Bruer og tunnel
Det er Volda kommune som har tatt initiativ til å stifte selskapet.
Selskapet ønskjer ikkje berre å erstatte ferja Volda-Folkestad med brusamband.
Dei vil også erstatte ferjesambandet Volda-Lauvstad med brusamband over Dalsfjorden
Gjer som meir enn 25.000 andre - følg smp.no på Facebook